विद्यार्थी मित्रांनो, ठाणे महानगरपालिकेत नोकरीच्या शोधात असलेल्या आणि भरतीची आतुरतेने वाट पाहणाऱ्या उमेदवारांसाठी एक महत्त्वाची अपडेट समोर आली आहे. ठाणे पालिकेत तब्बल 1773 रिक्त पदांची मेगाभरती एप्रिल 2026 पासून सुरू होण्याची शक्यता वर्तवली जात होती. मात्र, आता ही प्रक्रिया पुन्हा एकदा लांबणीवर पडणार असल्याची माहिती समोर आली आहे. नगरविकास आणि कौशल्य विकास विभागाच्या काही नव्या सूचन्ंमुळे या भरतीला सध्या ‘ब्रेक’ लागला आहे.
या लेखामध्ये आपण पाहणार आहोत की नेमकी अडचण काय आहे, कोणत्या पदांसाठी किती जागा रिक्त आहेत आणि उमेदवारांसाठी आता पुढची दिशा काय असेल.
भरती प्रक्रिया आणखीन लांबणीवर का पडली? (मुख्य कारण)
नगरविकास विभागाकडून आलेल्या निर्देशानुसार ही भरती प्रक्रिया पार पाडली जात होती आणि ती जवळजवळ अंतिम टप्प्यात आली होती. मात्र, अचानक कौशल्य विकास विभागाने पालिकेला एक नवीन सूचना केली आहे.
या नव्या सूचनेनुसार, स्वच्छता निरीक्षक, परवाना निरीक्षक आणि इतर 4 संवर्गातील पदांसाठी भरती प्रक्रिया करताना उमेदवाराने ‘कौशल्य विकासचा अभ्यासक्रम पूर्ण केल्याचे प्रमाणपत्र’ असणे अनिवार्य असावे, अशी अट घालण्यात आली आहे. या नव्या अटीमुळे आता ही भरती प्रक्रिया कशी राबवायची? असा मोठा पेच ठाणे महापालिकेपुढे उभा राहिला आहे. Thane MNC Bharti Update 2026
कोणत्या पदासाठी किती जागा रिक्त आहेत?
ठाणे महानगरपालिकेने आरोग्य विभाग आणि अग्निशमन विभागासह विविध पदांसाठी जाहिरात काढली होती. यामध्ये प्रामुख्याने खालील रिक्त पदांचा समावेश आहे:
- परिचारिका (Nurse) : 557 पदे
- फायरमन (Fireman) : 381 पदे
- चालक यंत्रचालक : 277 पदे
- कनिष्ठ अभियंता 2 : 63 पदे
- दवाखाना आया : 48 पदे
- वॉर्डबॉय : 37 पदे
याशिवाय लिपिक-टंकलेखक, शिपाई, सफाई कर्मचारी आणि विविध तांत्रिक सहाय्यक पदांचाही या भरतीत समावेश आहे. आरोग्य विभागातील डॉक्टर, लॅब तंत्रज्ञ यांच्या नियुक्त्याही यातून होणार आहेत. Thane MNC Bharti Update 2026
ऑगस्ट 2025 पासूनचा घटनाक्रम आणि सद्यस्थिती
पालिकेने ऑगस्ट 2025 मध्ये गट ‘क’ आणि ‘ड’ (Group C and D) वर्गातील पदांसाठी जाहिरात प्रसिद्ध केली होती. पण त्यानंतर लागलेली निवडणुकांची आचारसंहिता, आरक्षणासंदर्भातील काही तांत्रिक अडचणी आणि पदांच्या पुनर्रचनेमुळे ही भरती तब्बल 6 महिने रखडली.
उमेदवारांसाठी दिलासादायक बाब (अर्जांची छाननी पूर्ण):
जरी भरती लांबणीवर पडली असली, तरी एक चांगली बातमी म्हणजे ऑगस्ट 2025 मध्ये ज्या उमेदवारांनी अर्ज केले होते, त्यांच्या अर्जांची छाननी (Scrutiny) पूर्ण झाली आहे. या भरतीमुळे विशेषतः पालिकेचा आरोग्य विभाग आणि आपत्कालीन सेवा अधिक सक्षम होण्याची अपेक्षा आहे.
अग्निशमन विभागात होणार जवानांची भरती
शहराच्या सुरक्षेसाठी अग्निशमन विभागातील जवानांची भरती अत्यंत महत्त्वाची मानली जाते. पालिकेच्या या मेगाभरतीमध्ये फायरमनसाठी 381 पदे भरली जाणार आहेत, जे शहराच्या सुरक्षिततेच्या दृष्टीने एक मोठे पाऊल ठरणार आहे. Thane MNC Bharti Update 2026
स्थानिक आणि कंत्राटी कर्मचाऱ्यांचा मुद्दा
ही भरती प्रक्रिया अंतिम टप्प्यात असताना शहरातील काही राजकीय पक्षांनी एक नवीन मागणी पुढे केली आहे. “स्थानिक उमेदवारांना प्राधान्य द्या आणि जे कंत्राटी कर्मचारी सध्या पालिकेत काम करत आहेत त्यांनाही या भरतीत प्राधान्य द्यावे,” असे निवेदन पालिकेला देण्यात आले आहे. या मागण्यांचाही परिणाम कुठेतरी या प्रक्रियेवर होताना दिसत आहे. Thane MNC Bharti Update 2026
प्रशासनाचे काय म्हणणे आहे?
या सर्व गोंधळावर ठाणे महानगरपालिकेचे उपायुक्त, गजानन गोदेपुरे यांनी स्पष्टीकरण दिले आहे. ते म्हणाले की, “पालिकेच्या वतीने सरकारच्या संबंधित विभागाच्या आलेल्या पत्रानुसार त्यांचा अभिप्राय आता नगरविकास विभागाकडून मागवला आहे. सरकारकडून जे निर्देश येतील त्यानुसार प्रक्रिया पूर्ण केली जाईल. भरती प्रक्रिया अंतिम टप्प्यात आली असून, लवकरच यावर मार्ग निघेल.” Thane MNC Bharti Update 2026
थोडक्यात: विद्यार्थी मित्रांनो, शासनाच्या या प्रशासकीय आणि तांत्रिक बाबींमुळे जरी भरतीला थोडा वेळ लागत असला, तरी अर्जांची छाननी पूर्ण झाली आहे. त्यामुळे कौशल्य विकास विभागाच्या अटीवर तोडगा निघाल्यास ही भरती केव्हाही पुढे सरकू शकते. तुम्ही तुमचा अभ्यास आणि फिजिकल तयारी (विशेषतः फायरमनसाठी) चालू ठेवा. Thane MNC Bharti Update 2026
अशाच सर्व महत्त्वाच्या आणि अचूक शैक्षणिक अपडेट्स वेळेवर मिळवण्यासाठी Studyflow Updates ला नियमित भेट देत राहा!
