Arogya Vibhag Recruitment 2026 : छत्रपती संभाजीनगर परिमंडळात गट क व ड सह 1,144 रिक्त पदे भरणार; लवकरच जाहिरात येणार! डॉ. कांचन वानेरे यांची माहिती
Arogya Vibhag Recruitment Update: स्पर्धा परीक्षेची तयारी करणाऱ्या सर्व विद्यार्थ्यांसाठी सार्वजनिक आरोग्य विभागाकडून एक अत्यंत दिलासादायक आणि महत्त्वाची बातमी समोर येत आहे. छत्रपती संभाजीनगर परिमंडळात आरोग्य सेवेतील विविध संवर्गातील रिक्त पदे लवकरच भरली जाणार आहेत. या भरती प्रक्रियेसाठी बिंदुनामावली तपासण्याचे काम युद्धपातळीवर सुरू असून, लवकरच अधिकृत जाहिरात प्रसिद्ध केली जाईल, अशी माहिती आरोग्य उपसंचालक डॉ. कांचन वानेरे यांनी दिली आहे. Arogya Vibhag Recruitment 2026
नेमकी काय आहे बातमी?
मराठवाड्यात आरोग्य सुविधांचा आणि वैद्यकीय महाविद्यालयांचा विस्तार मोठ्या प्रमाणावर झाला आहे. दरवर्षी सुमारे 1,750 नवे डॉक्टर तयार होत असले, तरी ग्रामीण आणि जिल्हा पातळीवरील शासकीय आरोग्य यंत्रणा अद्यापही तज्ज्ञ डॉक्टर आणि आवश्यक कर्मचाऱ्यांच्या अभावाचा सामना करत आहे. कुपोषण, मधुमेह, उच्च रक्तदाब, हृदयरोग, कर्करोग यांसारख्या आजारांचे प्रमाण वाढत असताना शासकीय रुग्णालयांमध्ये पुरेसे मनुष्यबळ उपलब्ध असणे अत्यंत गरजेचे झाले आहे.
याच पार्श्वभूमीवर छत्रपती संभाजीनगर आरोग्य उपसंचालक परिमंडळांतर्गत येणाऱ्या जिल्ह्यांमधील रिक्त जागांची आकडेवारी समोर आली असून या जागा लवकरात लवकर भरण्यासाठी प्रशासकीय पातळीवर हालचाली गतिमान झाल्या आहेत.
लवकरच रिक्त जागा भरणार – डॉ. कांचन वानेरे
“मेगा भरतीसाठी बिंदुनामावली तपासणीचे काम युद्धपातळीवर सुरू आहे. लवकरच सर्व रिक्त जागा भरल्या जातील.”
— डॉ. कांचन वानेरे, आरोग्य उपसंचालक, छत्रपती संभाजीनगर परिमंडळ.
तसेच महाराष्ट्र आरोग्य विज्ञान विद्यापीठाचे संस्थापक कार्यकारिणी सदस्य डॉ. रामदास अंबुलगेकर यांनीही नमूद केले आहे की, प्रत्येक जिल्ह्यात शासकीय वैद्यकीय महाविद्यालये सुरू झाली असली तरी शिक्षकांची उसनवारी सुरू आहे. ग्रामीण भागातील सरकारी रुग्णालयांमध्ये डॉक्टरांअभावी रुग्णांची गैरसोय होऊ नये म्हणून रिक्त पदांची भरती प्रक्रिया तात्काळ राबवणे आणि आरोग्य सेवेसाठी आर्थिक तरतूद वाढवणे गरजेचे आहे. Arogya Vibhag Recruitment 2026
छत्रपती संभाजीनगर, जालना, परभणी व हिंगोली: संवर्गनिहाय रिक्त पदांचा संपूर्ण तपशील
छत्रपती संभाजीनगर परिमंडळातील आरोग्य विभागाची एकूण स्थिती खालीलप्रमाणे आहे:
- अ. क्र. संवर्गाचे नाव एकूण मंजूर पदे भरलेली पदे रिक्त पदे
- 1 वैद्यकीय अधिकारी (गटअ वर्ग 1) 155 105 50
- 2 वैद्यकीय अधिकारी (गटअ वर्ग 2) 776 620 156
- 3 दंतशल्यचिकित्सक (गटब) 37 15 22
- 4 बी.ए.एम.एस. (गटब) 41 27 14
- 5 सा.रा.स. (गटअ) 2 1 1
- 6 सा.रा.स. (गटब प्रशासकीय) 13 5 8
- 7 गटब सांख्यिकी अधिकारी 7 1 6
- 8 गटक (Group C) 2,744 2,021 723
- 9 गटड (Group D) 1,015 851 164
- एकूण सर्व पदे मिळून 4,790 3,646 1,144
महत्त्वाचे विश्लेषण (Key Highlights):
गट क आणि गट ड मधील मोठी संधी:
- गटक (Group C): एकूण 2,744 मंजूर पदांपैकी तब्बल 723 पदे रिक्त आहेत.
- गटड (Group D): एकूण 1,015 मंजूर पदांपैकी 164 पदे रिक्त आहेत.
- म्हणजेच केवळ गट ‘क’ आणि ‘ड’ मिळून 887 पदे या परिमंडळात रिक्त आहेत.
डॉक्टरांच्या 20 टक्क्यांहून अधिक जागा रिक्त:
वैद्यकीय अधिकारी गटअ वर्ग 1 च्या 155 पैकी 50 पदे रिक्त असून रिक्ततेचे प्रमाण तब्बल 32.3% आहे.
वैद्यकीय अधिकारी गटअ वर्ग 2 च्या 776 पैकी 156 पदे रिक्त असून याचे प्रमाण 20.1% आहे. Arogya Vibhag Recruitment 2026
मराठवाड्यातील शासकीय वैद्यकीय महाविद्यालयांमधील विद्यार्थी प्रवेश क्षमता (MBBS):
मराठवाड्यातील शासकीय वैद्यकीय महाविद्यालयांमध्ये दरवर्षी 1,750 विद्यार्थी प्रवेश घेतात. त्याचा जिल्हावार तपशील:
- छत्रपती संभाजीनगर: 200
- जालना: 100
- परभणी: 100
- हिंगोली: 100
- धाराशिव: 100
- नांदेड: 150
- लातूर: 150
- बीड (अंबाजोगाई): 150 Arogya Vibhag Recruitment 2026
विद्यार्थ्यांसाठी महत्त्वाचा सल्ला
आरोग्य विभागातील ही मेगा भरती प्रक्रिया लवकरच जाहीर होण्याची शक्यता आहे. सध्या बिंदुनामावलीची (Roster) तपासणी सुरू असल्याने अधिकृत जाहिरात प्रसिद्ध होताच अर्ज प्रक्रिया सुरू होईल. गट क आणि गट ड पदांसाठी तयारी करणाऱ्या सर्व उमेदवारांनी आतापासूनच आपला अभ्यास नियमित ठेवावा आणि आवश्यक कागदपत्रांची पूर्तता करून ठेवावी.
(टीप: या भरती संदर्भातील अधिकृत जाहिरात, वयोमर्यादा, शैक्षणिक पात्रता व अभ्यासक्रम याबद्दलचे पुढील सर्व अपडेट्स आमच्या वेबसाइटवर वेळोवेळी दिले जातील.) Arogya Vibhag Recruitment 2026
