MPSC Maharashtra Group C Revised Exam Scheme & Syllabus 2026 सुधारित परीक्षा योजना आणि संपूर्ण माहिती
महाराष्ट्र गटक सेवा संयुक्त परीक्षा: नमस्कार विद्यार्थी मित्रांनो, Studyflow Updates वर तुमचे स्वागत आहे. महाराष्ट्र लोकसेवा आयोगाने (MPSC) गटक सेवा संयुक्त परीक्षेसाठी सुधारित परीक्षा योजना जाहीर केली आहे. स्पर्धा परीक्षेची तयारी करणाऱ्या प्रत्येक विद्यार्थ्याला ही नवीन पद्धत आणि परीक्षेचे स्वरूप समजणे अत्यंत गरजेचे आहे. खालील लेखात आपण या परीक्षेची सविस्तर माहिती पाहणार आहोत. Group C Revised Exam Scheme & Syllabus 2026
कोणती पदे भरली जाणार आणि त्यांची वेतनश्रेणी काय?
या संयुक्त परीक्षेतून शासनाच्या मागणीनुसार गटक संवर्गातील विविध पदे भरली जातात. पदांची नावे आणि त्यांची वेतनश्रेणी खालीलप्रमाणे आहे:
पदाचे नाव विभाग वेतनश्रेणी (Pay Matrix)
उद्योग निरीक्षक (Industry Inspector) उद्योग संचालनालय S13 (रु. 35400 112400)
दुय्यम निरीक्षक (SubInspector) राज्य उत्पादन शुल्क S12 (रु. 32000 101600)
तांत्रिक सहायक (Technical Assistant) विमा संचालनालय S10 (रु. 29200 92300)
कर सहायक (Tax Assistant) वस्तू व सेवा कर विभाग S8 (रु. 25500 81100)
लिपिकटंकलेखक (ClerkTypist) विविध शासकीय कार्यालये S6 (रु. 19900 63200)
सहायक मोटार वाहन निरीक्षक (AMVI) परिवहन विभाग S14 (रु. 38600 122800)
(वरील सर्व पदांसाठी मूळ वेतनासोबतच महागाई भत्ता व इतर नियमबद्ध भत्ते लागू राहतील.)
परीक्षा पद्धती कशी असेल?
परीक्षेचे टप्पे समजून घेणे विद्यार्थ्यांसाठी सर्वात महत्त्वाचे आहे.
सर्व संवर्गातील पदांसाठी एकच सामायिक ‘संयुक्त पूर्व परीक्षा’ (Combined Prelims) घेण्यात येईल.
मुख्य परीक्षेसाठी गटक सेवेतील इतर पदांसाठी (AMVI वगळून) एकच ‘संयुक्त मुख्य परीक्षा’ होईल.
सहायक मोटार वाहन निरीक्षक (AMVI) या पदासाठी स्वतंत्र मुख्य परीक्षा घेतली जाईल. Group C Revised Exam Scheme & Syllabus 2026
पूर्व परीक्षेचे स्वरूप:
पूर्व परीक्षा 100 प्रश्नांची आणि 100 गुणांची असेल.
परीक्षेचा दर्जा पदवी स्तराचा राहील व कालावधी 1 तास असेल.
प्रश्नमंजुषा मराठी आणि इंग्रजी दोन्ही माध्यमांत वस्तुनिष्ठ बहुपर्यायी स्वरूपात असेल.
मुख्य परीक्षेचे स्वरूप:
महाराष्ट्र गटक सेवा मुख्य परीक्षा: यामध्ये 100 गुणांचे दोन पेपर (एकूण 200 गुण) असतील. पहिला पेपर मराठी व इंग्रजी भाषेचा (1 तास) आणि दुसरा पेपर सामान्य अध्ययन व बुद्धिमत्ता चाचणीचा (1 तास) असेल.
AMVI मुख्य परीक्षा: या पदासाठी 150 प्रश्नांचा आणि 300 गुणांचा एकच पेपर (यंत्र व स्वयंचल अभियांत्रिकी) दीड तासाचा राहील.
नकारात्मक गुणपद्धती (Negative Marking):
प्रत्येक चुकीच्या उत्तरासाठी मिळालेल्या गुणांमधून 25% किंवा 1/4 गुण वजा केले जातील.
एखादा प्रश्न अनुत्तरित सोडल्यास त्याला नकारात्मक गुण लागू होणार नाहीत. Group C Revised Exam Scheme & Syllabus 2026
वयोमर्यादा (Age Limit)
उमेदवारांचे किमान वय 18 किंवा 19 वर्षे (पदानुसार) असणे आवश्यक आहे. कमाल वयोमर्यादा खालीलप्रमाणे आहे:
अमागास (Open): 38 वर्षे.
मागासवर्गीय / अनाथ: 43 वर्षे.
प्राविण्यप्राप्त खेळाडू: 43 वर्षे.
दिव्यांग उमेदवार: 45 वर्षे (AMVI पदासाठी दिव्यांग उमेदवार अपात्र आहेत). Group C Revised Exam Scheme & Syllabus 2026
शैक्षणिक आणि इतर पात्रता
शैक्षणिक अर्हता:
उद्योग निरीक्षक आणि AMVI वगळता इतर सर्व पदांसाठी मान्यताप्राप्त विद्यापीठाची कोणतीही पदवी (Graduation) आवश्यक आहे.
उद्योग निरीक्षक: अभियांत्रिकीमधील पदविका (Diploma) किंवा विज्ञान शाखेतील पदवी (Science Degree) आवश्यक आहे.
AMVI: 10वी (SSC) उत्तीर्ण असणे आवश्यक आहे. तसेच स्वयंचल (Automobile) किंवा यंत्र (Mechanical) अभियांत्रिकीमधील 3 वर्षांचा डिप्लोमा किंवा पदवी आवश्यक आहे.
पदवीच्या शेवटच्या वर्षाला असणारे विद्यार्थी पूर्व परीक्षेला बसू शकतात, पण मुख्य परीक्षेचा अर्ज भरण्याच्या शेवटच्या तारखेपर्यंत ते उत्तीर्ण होणे बंधनकारक आहे.
टंकलेखन अर्हता (Typing Skills):
कर सहायक: मराठी टंकलेखन 30 शब्द प्रति मिनिट आणि इंग्रजी 40 शब्द प्रति मिनिट आवश्यक.
लिपिकटंकलेखक: मराठी 30 शब्द प्रति मिनिट किंवा इंग्रजी 40 शब्द प्रति मिनिट प्रमाणपत्र आवश्यक.
दिव्यांग, माजी सैनिक, अनाथ आणि प्रकल्पग्रस्त/भूकंपग्रस्त उमेदवारांना टंकलेखन प्रमाणपत्र मिळवण्यासाठी नियुक्तीनंतर 2 वर्षांचा वेळ दिला जाईल.
शारीरिक पात्रता:
दुय्यम निरीक्षक (उत्पादन शुल्क): पुरुषांसाठी किमान उंची 165 सेमी आणि छाती 79 सेमी (फुगवून 5 सेमी जास्त) आवश्यक आहे. महिलांसाठी उंची 155 सेमी आणि वजन किमान 50 किलो आवश्यक आहे.
सहायक मोटार वाहन निरीक्षक (AMVI): पुरुषांसाठी किमान उंची 163 सेमी आवश्यक आहे. महिलांसाठी उंची 155 सेमी आणि वजन किमान 45 किलो असणे गरजेचे आहे. Group C Revised Exam Scheme & Syllabus 2026
परीक्षा शुल्क आणि परीक्षा केंद्रे
पूर्व परीक्षा: अमागास प्रवर्गासाठी 394 रुपये आणि मागासवर्गीयांसाठी 294 रुपये शुल्क आहे.
मुख्य परीक्षा: अमागास प्रवर्गासाठी 544 रुपये आणि मागासवर्गीयांसाठी 344 रुपये शुल्क राहील.
पूर्व परीक्षा महाराष्ट्रातील एकूण 37 जिल्हा केंद्रांवर घेतली जाईल.
मुख्य परीक्षा अमरावती, छत्रपती संभाजीनगर, नवी मुंबई, नागपूर, नाशिक आणि पुणे या 6 केंद्रांवरच आयोजित केली जाईल.
शिफारस आणि निवड प्रक्रिया
लेखी परीक्षेमधून शिफारस पात्र होण्यासाठी उमेदवारांना किमान ‘शतमत’ (Percentile) मिळवणे आवश्यक आहे.
अमागास उमेदवारांसाठी किमान 35 शतमत (Percentile) आवश्यक.
मागासवर्गीय, अनाथ, प्रकल्पग्रस्त आणि भूकंपग्रस्त उमेदवारांसाठी किमान 30 शतमत आवश्यक.
दिव्यांग आणि माजी सैनिकांसाठी किमान 20 शतमत अनिवार्य आहे.
विद्यार्थी मित्रांनो, अभ्यासाचे अचूक नियोजन करून या नवीन पद्धतीनुसार तयारी सुरू करा. तुमच्या पुढील वाटचालीस खूप खूप शुभेच्छा!
Group C Revised Exam Scheme & Syllabus 2026
