MPSC DigiLocker System 2026 : एमपीएससी अर्जप्रक्रियेत मोठा बदल! आता कागदपत्रांसाठी ‘डिजिलॉकर’चा (DigiLocker) वापर; जाणून घ्या संपूर्ण प्रक्रिया
नमस्कार विद्यार्थी मित्रांनो! महाराष्ट्र लोकसेवा आयोगामार्फत (MPSC) स्पर्धा परीक्षांची तयारी करणाऱ्या सर्व उमेदवारांसाठी एक अत्यंत महत्त्वाची आणि दिलासादायक बातमी आहे. MPSC ने आपली ऑनलाइन अर्जप्रक्रिया उमेदवारांसाठी अधिक सोपी आणि सुलभ व्हावी यासाठी एक मोठा निर्णय घेतला आहे. आता उमेदवारांना अर्जासोबत द्याव्या लागणाऱ्या प्रमाणपत्र आणि कागदपत्रांसाठी ‘डिजिलॉकर’ (DigiLocker) प्रणालीचा वापर करता येणार आहे.
आयोगाच्या माहिती तंत्रज्ञान विभागाचे सहसचिव सुनील अवताडे यांनी एका प्रसिद्धीपत्रकाद्वारे याबाबतची सविस्तर माहिती दिली आहे. या नवीन बदलामुळे विद्यार्थ्यांचा वेळ वाचणार असून अर्ज भरण्याची प्रक्रिया अधिक वेगवान होणार आहे. MPSC DigiLocker System 2026
हा बदल का करण्यात आला?
सध्याच्या प्रचलित पद्धतीनुसार, MPSC च्या पदभरती प्रक्रियांमध्ये उमेदवारांना त्यांचा ऑनलाइन अर्ज भरतेवेळी विविध प्रमाणपत्रे आणि कागदपत्रे मॅन्युअली स्कॅन करून अपलोड करावी लागतात. या कागदपत्रांची आयोगाकडून छाननी आणि तपासणी करून उमेदवारांची पात्रता निश्चित केली जाते. आता या संपूर्ण प्रक्रियेला एक उत्तम आणि सुरक्षित पर्यायी व्यवस्था म्हणून ‘डिजिलॉकर’चा वापर केला जाणार आहे.
ही संपूर्ण प्रक्रिया कशी असेल? खालीलप्रमाणे समजून घ्या:
आयोगाने डिजिलॉकरच्या वापरासंदर्भातील सविस्तर सूचना ऑनलाइन अर्ज प्रणालीच्या संकेतस्थळावर उपलब्ध करून दिल्या आहेत. विद्यार्थ्यांना या प्रणालीचा वापर करण्यासाठी खालील स्टेप्स फॉलो कराव्या लागतील:
ज्या विद्यार्थ्यांचे आधीपासून डिजिलॉकरवर अकाउंट आहे: ज्या उमेदवारांचे डिजिलॉकर प्रणालीवर आधीपासूनच खाते (Account) आहे, त्यांनी त्यांच्या MPSC च्या ऑनलाइन अर्जप्रणालीच्या खात्याला डिजिलॉकरशी संलग्न (Link) करणे गरजेचे आहे. यासाठी उमेदवारांनी ‘मेरी पहचान’ (Meri Pehchaan) या संकेतस्थळावर लॉग-इन करून आपल्या डिजिलॉकर खात्याची संमती (Consent) द्यावी.
ज्या विद्यार्थ्यांचे डिजिलॉकर अकाउंट नाही:
ज्या उमेदवारांचे डिजिलॉकर खाते नाही, त्यांनी https://www.digilocker.gov.in/ या अधिकृत संकेतस्थळावर जावे. तिथे आपला आधार क्रमांक किंवा आधारशी संलग्न असलेला मोबाईल क्रमांक वापरून नवीन खाते उघडावे आणि ते खाते आपल्या MPSC ऑनलाइन अर्ज प्रणालीशी जोडून घ्यावे.
डिजिलॉकरवर कोणकोणती कागदपत्रे उपलब्ध होतील?
डिजिलॉकर खात्यामध्ये लॉग-इन केल्यानंतर ‘इश्युड डॉक्युमेंट्स’ (Issued Documents) या टॅबमध्ये उमेदवारांना त्यांची महत्त्वाची कागदपत्रे मिळतील.
यामध्ये प्राधिकरण, विविध सरकारी विभाग, शैक्षणिक मंडळे, विद्यापीठे आणि इतर विश्वासार्ह संस्था यांच्याकडून जारी करण्यात आलेली कागदपत्रे जसे की:
- आधार कार्ड
- पॅन कार्ड
- वाहन परवाना (Driving License) MPSC DigiLocker System 2026
10 वी आणि 12 वी ची गुणपत्रके (Marksheets) आणि प्रमाणपत्रे
नोंद: जर एखादे आवश्यक कागदपत्र डिजिलॉकरवर उपलब्ध नसेल, तर अशी उपलब्ध नसलेली कागदपत्रे उमेदवारांना नेहमीप्रमाणे PDF स्वरूपामध्ये अपलोड करण्याची सुविधा देण्यात आली आहे. MPSC DigiLocker System 2026
महत्त्वाची सूचना: भविष्यात केवळ डिजिलॉकरचाच वापर अनिवार्य होणार!
सध्याच्या स्थितीमध्ये कागदपत्रे आणि प्रमाणपत्रे डिजिलॉकर प्रणालीद्वारे सादर करण्याची कार्यपद्धत ही ‘पर्यायी’ (Optional) ठेवण्यात आली आहे. परंतु, विद्यार्थ्यांनी एक गोष्ट लक्षात ठेवली पाहिजे की, माहिती तंत्रज्ञान नियम, 2016 नुसार डिजिलॉकरमधील जारी केलेल्या कागदपत्रांना मूळ प्रमाणपत्रांप्रमाणेच (Original Documents) कायदेशीर वैधता असते.
यामुळेच, आगामी काळात कागदपत्रे आणि प्रमाणपत्रे ‘केवळ’ डिजिलॉकर प्रणालीद्वारेच स्वीकारण्यात येतील, असे MPSC ने स्पष्ट केले आहे. त्यामुळे सर्व विद्यार्थ्यांनी आत्ताच आपले डिजिलॉकर अकाउंट बनवून घेणे फायद्याचे ठरेल.
याचबरोबर, भविष्यात कोणत्याही भरतीप्रक्रियेच्या अंतिम निकालाआधारे शिफारसपात्र उमेदवारांची शिफारसपत्रे (Recommendation Letters) देखील ऑनलाइन अर्ज प्रणालीमधील खात्यासह डिजिलॉकर प्रणालीद्वारेच वितरित करण्यात येणार आहेत. MPSC DigiLocker System 2026
